امریکی ریاست ٹیکساس میں فوجی ہیلی کاپٹر حادثے کا شکار ہوگیا، جس کے نتیجے میں دو امریکی فوجی ہلاک ہوگئے۔
خبر رساں ادارے رائٹرز کے مطابق حادثہ بدھ کے روز بیل کاؤنٹی میں پیش آیا۔
حادثے کا شکار ہیلی کاپٹر فورٹ ہڈ فوجی اڈے سے منسلک تھا۔
حکام کے مطابق AH-64 اپاچی ہیلی کاپٹر فورٹ ہڈ کے آپریشن کے دوران ایک کھیت میں گر کر تباہ ہوا۔
حادثے کے بعد کھیت میں موجود گھاس میں آگ بھڑک اٹھی۔
بیل کاؤنٹی شیرف کے دفتر کے ترجمان کلف کولمین نے حادثے کی تصدیق کی۔
انہوں نے بتایا کہ حادثہ آسٹن سے تقریباً 60 میل شمال میں پیش آیا۔
کولمین کے مطابق بیل کاؤنٹی کے جسٹس آف دی پیس نے ہیلی کاپٹر میں سوار دونوں افراد کو موقع پر ہی مردہ قرار دیا۔
ٹیکساس کے گورنر گریگ ایبٹ نے بھی حادثے کی تصدیق کی۔
انہوں نے کہا کہ فورٹ ہڈ آپریشن کے دوران اپاچی ہیلی کاپٹر بیل کاؤنٹی میں گر کر تباہ ہوا۔
گورنر کے مطابق حادثے میں امریکی فوج کے دو اہلکار ہلاک ہوئے۔
فورٹ ہڈ انتظامیہ نے بھی حادثے کی تصدیق کردی ہے۔
فوج کے مطابق حادثے میں AH-64 حملہ آور ہیلی کاپٹر تباہ ہوا۔
فوج نے ہلاک ہونے والے اہلکاروں کی شناخت فوری طور پر جاری نہیں کی۔
حکام کے مطابق اہلکاروں کے نام ان کے اہل خانہ کو اطلاع دینے کے بعد جاری کیے جائیں گے۔
About The Author
