کرکٹ ایشیا کا تاج کس کے سر سجےگا؟ پاکستان اوربھارت آج آمنے سامنے ہوں گے۔
کرکٹ کا بڑا میلہ آج دبئی کےمیدان میں سجےگا،پاکستان اوربھارت شام ساڑھے سات بجے آمنے سامنے ہوں گے، ایشیاکپ کی اکتالیس سالہ تاریخ میں پہلی بار فائنل میں دونوں ملک مدمقابل ہوں گے، ایک طرف پاکستان کی اِن فارم بولنگ تو دوسری جانب بھارت کی جاندار بیٹنگ کاٹنے کا مقابلہ متوقع ہے۔
قومی ٹیم کی پلئینگ الیون
ذرائع کےمطابق فیصلہ کن میچ کے لیےپلیئنگ الیون برقرار رہنےکا امکان ہے,مینجمنٹ نے وننگ کامبی نیشن پر اعتماد کا اظہارکیا ہے,ٹیم میٹنگ میں ہیڈکوچ اورکپتان نےکھلاڑیوں کو بےخوف ہوکر کھیلنے کی ہدایت کردی۔
اجلاس میں اوپنرز کو شروع سے جارحانہ اندازاپنانے کی تجویز دیدی گئی۔ ہیڈ کوچ نے شاہین آفریدی سے گفتگو میں کہا کہ آپ پہلے اوورمیں وکٹ اڑائیں گے۔ آپ سے بہت امیدیں ہیں۔
فائنل پر ماہرین کی رائے
ماہرین کےمطابق فائنل میں اصل مقابلہ اپکستان کی بولنگ اوربھارت کی بیٹنگ میں ہوگا،بھارت کو اپنےٹاپ آرڈر تو پاکستان کولیٹ آرڈر سے امیدیں ہیں۔
پاک بھارت فائنل میں ہاؤس فُل انٹری متوقع ہے،ٹکٹس کی قیمتیں پاکستانی کرنسی میں بتیس ہزارسے لےکرچارلاکھ اسی ہزارروپے کے برابر ہیں۔
پاکستان ٹیم مجموعی طورپرتیسرا ٹی ٹوینٹی فارمیٹ کا دوسرا ایشیا کپ جیتنے کے لیےپرعزم ہے،گرینڈ فائنل پاکستانی وقت کےمطابق شام ساڑھے سات بجے شروع ہوگا۔
