جرمن چانسلر فریڈرک مرز نے ایرانی قیادت سے جوہری پروگرام ختم کرنے کا مطالبہ کرتے ہوئے کہا ہے کہ ایران کے سابقہ حملوں نے شدید نقصان پہنچایا اور عالمی سطح پر مذمت کا سبب بنے۔ انہوں نے خطے میں استحکام کے لیے قطر اور دیگر اہم ممالک کے ساتھ تعاون کی ضرورت پر بھی زور دیا۔
چانسلر مرز نے کہا کہ عالمی اور علاقائی تنازعات، بشمول یوکرین کی جنگ، سب پر اثر ڈال رہی ہیں، اس لیے قطر اور سعودی عرب جیسے شراکت داروں کے ساتھ عسکری تعاون کو بڑھایا جائے گا۔
اس موقع پر جرمن چانسلر کی امیر قطر تمیم بن حمد الثانی سے ملاقات بھی ہوئی، جس میں دونوں رہنماؤں نے تعلقات کو مزید مستحکم کرنے کا عندیہ دیا۔ فریڈرک مرز قطر میں کاروباری اور سیاسی وفود سے ملاقاتیں کر رہے ہیں اور کاروباری راؤنڈ ٹیبل میں اقتصادی و سیاسی تعاون کے فروغ پر زور دیا۔
About The Author
