ایرانی وزیرِ خارجہ Abbas Araghchi نے کہا ہے کہ ایران نے مذاکرات کے لیے اسلام آباد جانے سے کبھی انکار نہیں کیا۔
ایک بیان میں انہوں نے واضح کیا کہ ایران جنگ کے جامع اور دائمی خاتمے پر زور دیتا ہے اور اس سلسلے میں کسی بھی سنجیدہ کوشش کا خیرمقدم کرتا ہے۔ انہوں نے جنگ بندی کے لیے پاکستان کی کوششوں کو سراہتے ہوئے شکریہ ادا کیا۔
عباس عراقچی کے مطابق امریکی میڈیا ایران کے مؤقف کو درست انداز میں پیش نہیں کر رہا، اور اس حوالے سے پھیلائی جانے والی رپورٹس حقائق کے منافی ہیں۔ انہوں نے کہا کہ ایران پاکستان کی ثالثی اور سفارتی کوششوں کو قدر کی نگاہ سے دیکھتا ہے۔
دوسری جانب بعض امریکی میڈیا رپورٹس میں دعویٰ کیا گیا تھا کہ ایران اسلام آباد میں امریکی حکام سے ملاقات کے لیے تیار نہیں اور جنگ بندی سے متعلق مذاکرات تعطل کا شکار ہیں۔ ان رپورٹس میں یہ بھی کہا گیا کہ ایران نے مبینہ طور پر ثالثوں کو اپنے مؤقف سے آگاہ کر دیا ہے۔
ان متضاد بیانات کے باعث ایران اور امریکا کے درمیان جاری کشیدگی اور مذاکراتی عمل سے متعلق صورتحال مزید غیر واضح ہو گئی ہے، جبکہ علاقائی سطح پر سفارتی کوششیں جاری ہیں۔
About The Author
