ایرانی کیوئسٹ حسین وفائی نے عالمی چیمپئین جڈ ٹرمپ کو شکست دے دی -

World Snooker Championship میں ایران کے اسٹار کھلاڑی Hossein Vafaei نے شاندار کارکردگی کا مظاہرہ کرتے ہوئے عالمی نمبر ایک Judd Trump کو سنسنی خیز مقابلے کے بعد 12-13 سے شکست دے کر بڑا اپ سیٹ کر دیا۔

یہ مقابلہ انتہائی ڈرامائی رہا، جہاں جوڈ ٹرمپ نے میچ کے دوران 10-7 اور بعد ازاں 12-11 کی برتری حاصل کی، تاہم حسین وفائی نے غیر معمولی اعصاب کا مظاہرہ کرتے ہوئے زبردست کم بیک کیا اور مقابلہ برابر کر دیا۔

فیصلہ کن فریم میں وفائی نے شاندار 91 کا بریک کھیلتے ہوئے نہ صرف میچ اپنے نام کیا بلکہ پہلی بار عالمی چیمپئن شپ کے کوارٹر فائنل میں جگہ بھی بنا لی۔

میچ کے اختتام پر جوڈ ٹرمپ نے کھیل کے جذبے کا مظاہرہ کرتے ہوئے وفائی کو مبارکباد دی، جبکہ شائقین نے کھڑے ہو کر ایرانی کھلاڑی کے تاریخی کارنامے کو سراہا۔

کامیابی کے بعد حسین وفائی کا کہنا تھا کہ وہ اپنی اس جیت کو صرف ذاتی کامیابی نہیں بلکہ اپنے ملک اور خاندان کے لیے ایک اعزاز سمجھتے ہیں، اور مستقبل میں مزید بہتر کارکردگی دکھانے کے لیے پُرعزم ہیں۔