انٹرنیشنل کرکٹ کونسل (آئی سی سی) نے نئی پلیئر رینکنگ جاری کردی ہے۔ نئی درجہ بندی میں پاکستان کے کئی کھلاڑیوں نے ترقی حاصل کی ہے۔
فخر زمان، شاہین آفریدی، عرفات منہاس اور سلمان مرزا کی پوزیشن بہتر ہوئی ہے۔ ٹیسٹ، ون ڈے اور ٹی 20 فارمیٹس کی تازہ رینکنگ میں کئی دوسرے کھلاڑی بھی آگے بڑھے ہیں۔
ٹیسٹ بیٹرز کی رینکنگ میں انگلینڈ کے ہیری بروک پہلے نمبر پر برقرار ہیں۔ جنوبی افریقا کے ایڈن مارکرم ایک درجے ترقی کے بعد 11ویں نمبر پر آگئے ہیں۔
اسی طرح ویان ملڈر نے سات درجے بہتری حاصل کی ہے۔ وہ اب 17ویں پوزیشن پر موجود ہیں۔
آسٹریلیا کے کیمرون گرین تین درجے ترقی کے بعد 19ویں نمبر پر آگئے ہیں۔ ایلکس کیری نے بھی دو درجے بہتری حاصل کی۔ وہ 20ویں نمبر پر پہنچ گئے ہیں۔
جنوبی افریقا کے ریان ریکلٹن نے 25 درجے ترقی کی ہے۔ وہ اب 23ویں پوزیشن پر موجود ہیں۔ ویسٹ انڈیز کے جسٹن گریوز بھی 12 درجے آگے بڑھے ہیں۔ وہ 39ویں نمبر پر آگئے ہیں۔
ٹیسٹ بولرز کی رینکنگ میں آسٹریلیا کے مچل اسٹارک دوبارہ پہلے نمبر پر آگئے ہیں۔ انہوں نے ایک درجے ترقی حاصل کی ہے۔ جنوبی افریقا کے مارکو ینسن دوسرے نمبر پر چلے گئے ہیں۔
جنوبی افریقا کے سائمن ہارمر نے نو درجے بہتری حاصل کی۔ وہ ساتویں نمبر پر پہنچ گئے ہیں۔ ویسٹ انڈیز کے جومیل واریکن چھ درجے ترقی کے بعد 30ویں پوزیشن پر آگئے ہیں۔
ٹیسٹ آل راؤنڈرز کی رینکنگ میں مارکو ینسن کی پہلی پوزیشن برقرار ہے۔
آئی سی سی ون ڈے بیٹرز کی رینکنگ میں بھارت کے شبمن گل پہلے نمبر پر برقرار ہیں۔ پاکستان کے بابر اعظم کی نویں پوزیشن بھی برقرار ہے۔
سری لنکا کے پون رتھنائیکے نے 20 درجے ترقی حاصل کی ہے۔ وہ 16ویں نمبر پر آگئے ہیں۔
پاکستان کے فخر زمان نو درجے بہتری کے بعد 37ویں پوزیشن پر پہنچ گئے ہیں۔ انگلینڈ کے ٹام بینٹن نے 15 درجے ترقی کی ہے۔ وہ 47ویں نمبر پر آگئے ہیں۔
سری لنکا کے کامیندو مینڈس بھی 14 درجے آگے بڑھے ہیں۔ وہ اب 60ویں نمبر پر موجود ہیں۔
