امریکی صدرٹرمپ نے وسط مدتی انتخابات سے متعلق گفتگو کرتے ہوئے کہا ہے کہ مشی گن کے عبدل السید جیسے امیدواروں کو اسرائیل کے بہانے انتظامیہ کے کارناموں کو فراموش کرنے کی اجازت نہیں دوں گا۔امریکی صدر ڈونلڈ ٹرمپ نے کہا ہے کہ انتہا پسند بائیں بازو كو امریکا پر قبضہ کرنے نہیں دوں گا،انتخابات کے نتائج گمان سے زیادہ اچھے ثابت ہوں گے۔
دوسری جانب مشی گن سے سینیٹ کے امیدوار عبدل سید نے کہاہے کہ ان کی توجہ پہلے مسلمان سینیٹر بننے پر نہیں، پالیسی ایجنڈےکو آگے بڑھانے پرہے۔انہوں نےکہا کہ ان کی جیت سے پیغام جائے گا کہ امریکا سب کے لیے اتنا وسیع ہے کہ کہ اس میں ہر پس منظر سے تعلق رکھنے والے افراد سما سکتے ہیں۔یاد رہے کہ امریکا میں مڈٹرم الیکشن کیلئے ووٹنگ کا سلسلہ جاری ہے۔میڈیا رپورٹ کے مطابق ٹرمپ کی مقبولیت کی شرح اپنی کم ترین سطح کے قریب ہے، ایران کے ساتھ جنگ، ایندھن کی بڑھتی قیمتیں اور مہنگائی کو ٹرمپ کی مقبولیت میں کمی کی اہم وجوہات قرار دی گئی ہیں۔
