پنجاب ریونیو اتھارٹی (پی آر اے) نے صوبے بھر کے تمام ہوٹلوں، ریسٹورنٹس، کافی شاپس اور شادی ہالوں کے لیے الیکٹرانک انوائس مانیٹرنگ سسٹم (ای آئی ایم ایس) کے تحت رسید جاری کرنا لازمی قرار دے دیا ہے۔
پنجاب ریونیو اتھارٹی کی جانب سے جاری کردہ ہدایات کے مطابق صوبے بھر میں مذکورہ کاروباری اداروں کو صارفین کو فراہم کی جانے والی رسیدیں ای آئی ایم ایس کے ذریعے جاری کرنا ہوں گی۔
اس اقدام کا مقصد کاروباری لین دین کو الیکٹرانک نظام کے تحت لانا، ٹیکس وصولیوں میں شفافیت یقینی بنانا اور سیلز ٹیکس کی نگرانی کے نظام کو مؤثر بنانا ہے۔
