حلفِ شمالی اوقیانوس (نیٹو) نے امریکا کی جانب سے جرمنی سے ہزاروں فوجیوں کے ممکنہ انخلا کے فیصلے پر باضابطہ وضاحت طلب کر لی ہے، جس کے بعد یورپ کی سیکیورٹی صورتحال پر نئی بحث شروع ہو گئی ہے۔
نیٹو کی ترجمان ایلیسن ہارٹ نے سوشل میڈیا پلیٹ فارم “ایکس” پر کہا کہ اتحاد امریکا کے ساتھ رابطے میں ہے تاکہ جرمنی میں فوجی تعیناتی سے متعلق فیصلے کی تفصیلات کو بہتر طور پر سمجھا جا سکے۔
انہوں نے مزید کہا کہ اس معاملے کی وضاحت اس ضرورت کو بھی اجاگر کرتی ہے کہ یورپی ممالک کو اپنی دفاعی صلاحیتوں میں مزید سرمایہ کاری کرنی چاہیے اور مشترکہ سلامتی کی ذمہ داریوں میں زیادہ فعال کردار ادا کرنا ہوگا۔
رپورٹس کے مطابق پینٹاگون نے اعلان کیا ہے کہ امریکی وزیرِ دفاع پیٹ ہیگسیتھ نے جرمنی سے تقریباً 5 ہزار امریکی فوجیوں کو ایک سال کے اندر واپس بلانے کا حکم دیا ہے، جو وہاں تعینات امریکی افواج کا تقریباً 15 فیصد بنتا ہے۔
About The Author
