امریکی صدر Donald Trump نے کہا ہے کہ وہ ایران کے ساتھ جاری جوہری مذاکرات کی موجودہ پیش رفت سے مطمئن نہیں ہیں اور تہران کو کسی بھی سطح پر یورینیم افزودگی کی اجازت نہیں ہونی چاہیے۔
ٹیکساس میں ایک تقریب سے خطاب کرتے ہوئے انہوں نے کہا کہ ایران محدود پیمانے پر یورینیم افزودگی کی خواہش رکھتا ہے، تاہم امریکا اس کی کسی بھی شکل کو قبول نہیں کرے گا۔ ان کے بقول ایران کے پاس تیل کے وسیع ذخائر موجود ہیں، اس لیے اسے افزودگی کی ضرورت نہیں۔
امریکی صدر نے واضح کیا کہ مذاکرات کا عمل جاری رہے گا لیکن موجودہ صورتحال واشنگٹن کیلئے قابل قبول نہیں۔ انہوں نے اس بات پر زور دیا کہ ممکنہ معاہدہ ایسا ہونا چاہیے جو ایران کو یورینیم افزودگی سے مکمل طور پر روک دے۔
پس منظر
امریکا کا مؤقف ہے کہ ایران کی افزودگی کی صلاحیت جوہری ہتھیار بنانے کے خدشات کو بڑھا سکتی ہے، جبکہ ایران بارہا کہہ چکا ہے کہ اس کا جوہری پروگرام پرامن مقاصد کیلئے ہے اور وہ افزودگی کے حق سے دستبردار نہیں ہوگا۔
تجزیہ کاروں کے مطابق یورینیم افزودگی کے معاملے پر دونوں ممالک کے درمیان سخت اختلافات مذاکرات کی کامیابی میں سب سے بڑی رکاوٹ ہیں، اور یہی مسئلہ آئندہ مذاکرات کے ایجنڈے میں مرکزی حیثیت رکھے گا۔
About The Author
