واشنگٹن – سعودی سفارتخانے کے ترجمان فہد ناظر نے واشنگٹن پوسٹ کی اس خبر کی سختی سے تردید کی ہے جس میں دعویٰ کیا گیا تھا کہ سعودی عرب نے امریکی صدر ڈونلڈ ٹرمپ کو ایران کے خلاف فوجی کارروائی کے لیے اُکسایا۔
فہد ناظر نے ایکس (سابقہ ٹوئٹر) پر کہا کہ سعودی عرب نے ہمیشہ ایران کے ساتھ سفارتی کوششوں اور مذاکرات کے ذریعے حل تلاش کرنے کی حمایت کی ہے۔ انہوں نے مزید وضاحت کی کہ ٹرمپ انتظامیہ کے ساتھ رابطوں کے دوران سعودی حکام پر کسی بھی قسم کا دباؤ ڈالنے یا دوسری پالیسی اپنانے کی کوشش نہیں کی گئی۔
واشنگٹن پوسٹ کی رپورٹ میں دعویٰ کیا گیا تھا کہ اسرائیل اور سعودی عرب نے کئی ہفتوں تک ایران پر حملے کے لیے لابی کی تھی، تاہم سعودی ترجمان نے اسے بے بنیاد قرار دیا۔
یاد رہے کہ آج سعودی عرب کی سب سے بڑی آئل ریفائنری سعودی آرامکو پر ڈرون حملے کے نتیجے میں آگ لگ گئی، جس کے باعث ریفائنری عارضی طور پر بند کر دی گئی ہے۔
About The Author
