Tajikistan کی سکیورٹی فورسز نے سرحدی کارروائی کے دوران Afghanistan سے داخل ہونے کی کوشش کرنے والے 2 افغان منشیات اسمگلروں کو ہلاک کر دیا۔
غیر ملکی میڈیا رپورٹس کے مطابق تاجک حکام کا کہنا ہے کہ اسمگلرز نے غیر قانونی طور پر سرحد عبور کرنے کی کوشش کی، جس پر فورسز نے کارروائی کرتے ہوئے انہیں نشانہ بنایا۔
حکام کے مطابق یہ واقعہ تاجکستان کے ضلع Farkhor District میں پیش آیا، جہاں کارروائی کے دوران ہلاک ہونے والے افراد کے قبضے سے تقریباً 25 کلو گرام منشیات بھی برآمد کی گئی۔
رپورٹس کے مطابق وسطی ایشیائی ممالک پہلے ہی افغانستان کی غیر مستحکم سکیورٹی، سیاسی اور معاشی صورتحال پر تشویش کا اظہار کر چکے ہیں، جس کے باعث سرحدی علاقوں میں جرائم اور دراندازی کے واقعات میں اضافہ دیکھا جا رہا ہے۔
تجزیہ کاروں کا کہنا ہے کہ پڑوسی ممالک میں افغان جرائم پیشہ عناصر کی مسلسل دراندازی اس بات کی نشاندہی کرتی ہے کہ سرحدی کنٹرول ایک بڑا چیلنج بن چکا ہے۔
واضح رہے کہ تاجکستان اور افغانستان کے درمیان تقریباً 1370 کلومیٹر طویل سرحد ہے، جو زیادہ تر دشوار گزار اور پہاڑی علاقوں پر مشتمل ہے، جس کے باعث اس کی مؤثر نگرانی کرنا ایک پیچیدہ عمل ہے۔
About The Author
