امریکی صدر Donald Trump نے کہا ہے کہ وہ سابق صدر Barack Obama کے دور کی پالیسیوں جیسی غلطی نہیں دہرائیں گے اور ایران کے معاملے پر سخت مؤقف اختیار کریں گے۔
Fox News کو دیے گئے انٹرویو میں امریکی صدر نے Iran کو تنبیہ کرتے ہوئے کہا کہ امن معاہدے کے لیے یہ آخری موقع ہے۔ انہوں نے واضح کیا کہ اگر تہران نے معاہدہ قبول نہ کیا تو سنگین نتائج کا سامنا کرنا پڑ سکتا ہے۔
ٹرمپ کا کہنا تھا کہ وہ سابق امریکی صدر بارک اوباما کی طرح نرمی نہیں دکھائیں گے، جن کی انتظامیہ نے 2015 میں ایران کے ساتھ جوہری معاہدہ کیا تھا۔ ان کے بقول اب مزید لچک کی گنجائش نہیں اور ایران کو جلد فیصلہ کرنا ہوگا۔
امریکی صدر نے مزید کہا کہ اگر ایران نے معاہدہ نہ کیا تو وہ ہر ممکن اقدام اٹھانے کے لیے تیار ہیں، اور اس حوالے سے سخت فیصلے کرنے سے گریز نہیں کریں گے۔
ٹرمپ کے حالیہ بیان کو ایران کے ساتھ جاری کشیدگی اور ممکنہ مذاکرات کے تناظر میں ایک اہم پیش رفت قرار دیا جا رہا ہے، جس سے خطے کی صورتحال پر گہرے اثرات مرتب ہو سکتے ہیں۔
About The Author
