سابق وفاقی وزیر فواد چودھری نے ایک تقریب سے گفتگو کرتے ہوئے کہاہے کہ پی ٹی آئی اور جنرل قمر باجوہ کے درمیان اس بات پر اتفاق تھا کہ عثمان بزدار کو ہٹا دینا چاہیے، صرف خان صاحب دوسری طرف تھے۔ بالآخر عمران خان نے تنگ آ کر جنرل باجوہ سے کہا کہ باجوہ صاحب اصل میں آپ کو پتا نہیں ہے، میں نے سیاست میں 20 سال لگائے ہیں آپ کو سیاست کی اتنی سمجھ نہیں ہے۔ اس پر جنرل باجوہ نے جواب دیا کہ آپ فکرمند نہ ہوں، ہم نے 70 سال لگائے ہیں، اس لیے ہمیں زیادہ سمجھ ہے۔
