امریکہ کے صدر ٹرمپ نے قطر کے شاہی خاندان کی طرف سے لگژری جمبو جیٹ کا تحفہ لینے پر رضامندی ظاہر کر دی ہے۔ ٹرمپ اس جہاز کو اپنے سرکاری استعمال میں لائیں گے اور اسے ایئر فورس ون بنانے کا فیصلہ کیا گیا ہے۔
قطر کے شاہی خاندان نے صدر ٹرمپ کو بوئنگ 8-747 جمبوجیٹ تحفے میں دینے کا اعلان کیا ہے۔
ذرائع کے مطابق صدر کی مدت ختم ہونے کے بعد جہاز کی ملکیت ٹرمپ فاؤنڈیشن کو منتقل کر دی جائے گی۔
امریکی محکمہ انصاف کے ایک سینئر عہدیدار نے بتایا کہ جسٹس ڈپارٹمنٹ نے طیارے کو تحفے کے طور پر وصول کرنے کی قانونی دستاویزات تیار کر لی ہیں تاہم انہیں بھی عام نہیں کیا گیا ہے۔
امریکہ میں قطر کے اس تحفے پرشدید تنقید کی جا رہی ہے۔ ڈیموکریٹس کا کہنا ہے کہ لگژری تحفے سے قانونی اور اخلاقی پیچیدگیاں پیدا ہو سکتی ہیں۔
