پاکستان سپر لیگ کے گیارہویں ایڈیشن کے 27ویں مقابلے میں Lahore Qalandars نے عمدہ کارکردگی کا مظاہرہ کرتے ہوئے Rawalpindi Raiders کو 32 رنز سے شکست دے دی، یوں راولپنڈی کی ٹیم ایونٹ میں اپنی مسلسل ساتویں ناکامی سے دوچار ہو گئی۔
کراچی کے National Bank Stadium Karachi میں کھیلے گئے میچ میں لاہور قلندرز نے ٹاس جیت کر پہلے بیٹنگ کا فیصلہ کیا اور مقررہ اوورز میں 4 وکٹوں کے نقصان پر 210 رنز کا بڑا مجموعہ اسکور بورڈ پر سجایا۔
لاہور کی جانب سے Fakhar Zaman نے جارحانہ بیٹنگ کرتے ہوئے 54 گیندوں پر 84 رنز کی شاندار اننگز کھیلی۔ نوجوان Muhammad Farooq نے بھی 63 رنز بنا کر اہم کردار ادا کیا جبکہ Abdullah Shafique نے 26 رنز کی اننگز کھیلی۔ اختتامی لمحات میں Asif Ali نے صرف 6 گیندوں پر 18 رنز بنا کر ٹیم کا اسکور 200 سے آگے پہنچایا۔
راولپنڈی کی جانب سے Mohammad Amir اور Raza Ullah نے دو، دو وکٹیں حاصل کیں۔
211 رنز کے ہدف کے تعاقب میں راولپنڈی کی ٹیم خاطر خواہ کارکردگی دکھانے میں ناکام رہی اور مقررہ اوورز میں 9 وکٹوں کے نقصان پر 178 رنز ہی بنا سکی۔ Yasir Khan نے 58 رنز جبکہ Saad نے 54 رنز کی اننگز کھیلی، تاہم ٹیم کو کامیابی نہ دلا سکے۔
اس کامیابی کے ساتھ لاہور قلندرز نے ایونٹ میں اہم دو پوائنٹس حاصل کر لیے جبکہ راولپنڈی کی ٹیم کی مشکلات مزید بڑھ گئی ہیں۔
About The Author
