امریکی نائب صدر وینس پاکستان نہیں جائیں گے یا جائیں گے؟ ٹرمپ اور وائٹ ہاؤس کے متضاد بیانات -

امریکی صدر Donald Trump کے ایران سے متعلق مذاکراتی مشن کے حوالے سے امریکی انتظامیہ کے اندر متضاد بیانات سامنے آ گئے ہیں، جس کے بعد صورتحال مزید غیر واضح ہو گئی ہے۔

امریکی صدر نے United States کے نشریاتی ادارے اے بی سی نیوز کو بتایا کہ نائب صدر JD Vance سیکیورٹی خدشات کے باعث پاکستان نہیں جائیں گے۔ ان کے مطابق یہ فیصلہ صرف سیکیورٹی صورتحال کی بنیاد پر کیا گیا ہے۔

ٹرمپ نے مزید کہا کہ جے ڈی وینس ایک “بہترین شخص” ہیں، لیکن موجودہ حالات میں ان کا دورہ مناسب نہیں سمجھا گیا۔

تاہم اسی معاملے پر وائٹ ہاؤس کے ایک اہلکار نے مختلف مؤقف اختیار کرتے ہوئے کہا کہ جے ڈی وینس ایران کے ساتھ مذاکراتی عمل میں حصہ لیں گے اور وہ Islamabad میں ہونے والی بات چیت میں امریکی وفد کی قیادت کریں گے۔

وائٹ ہاؤس کے مطابق اس وفد میں Steve Witkoff اور Jared Kushner بھی شامل ہوں گے۔

اس سے قبل اقوام متحدہ میں امریکی ایلچی مائیک والٹز اور توانائی کے سیکریٹری کرس رائٹ نے بھی اشارہ دیا تھا کہ وینس اسلام آباد میں مذاکرات کی قیادت کریں گے۔