انڈر 18 ایشیا کپ ہاکی ٹورنامنٹ کے سنسنی خیز سیمی فائنل میں بھارت نے پاکستان کو 3 کے مقابلے میں 5 گول سے شکست دے کر فائنل کے لیے کوالیفائی کر لیا۔
مقابلے کے آغاز سے ہی دونوں ٹیموں نے جارحانہ کھیل کا مظاہرہ کیا، تاہم تیسرے کوارٹر کے اختتام تک پاکستان کو 1-2 کی برتری حاصل تھی اور قومی ٹیم فائنل کی دوڑ میں مضبوط نظر آ رہی تھی۔
پاکستان کی جانب سے عدیل فرحان اسلم اور عزیر نے عمدہ کھیل پیش کرتے ہوئے گول اسکور کیے، لیکن آخری کوارٹر میں ٹیم اپنی برتری برقرار رکھنے میں ناکام رہی۔
بھارتی ٹیم کے اسٹار کھلاڑی اشیش تانی نے شاندار کارکردگی کا مظاہرہ کرتے ہوئے ہیٹ ٹرک سمیت مجموعی طور پر چار گول اسکور کیے، جو میچ کا فیصلہ کن عنصر ثابت ہوئے۔ بھارت نے آخری کوارٹر میں مسلسل حملوں کے ذریعے تین اہم گول کیے اور میچ کا پانسہ اپنے حق میں پلٹ دیا۔
پاکستانی دفاع آخری لمحات میں بھارتی دباؤ کا سامنا نہ کر سکا، جس کے نتیجے میں بھارت نے 3-5 سے کامیابی حاصل کرتے ہوئے فائنل میں رسائی حاصل کر لی۔
اس فتح کے بعد بھارت کا فائنل میں مقابلہ میزبان جاپان سے ہوگا، جبکہ پاکستان کو ٹورنامنٹ میں تیسری پوزیشن کے لیے مقابلہ کرنا پڑے گا۔
About The Author
