نیپرا اتھارٹی نے کے الیکٹرک کی فروری کے ماہانہ فیول چارجز ایڈجسٹمنٹ کی مد میں چھ روپے باسٹھ پیسے فی یونٹ کمی کی درخواست پر عوامی سماعت مکمل کرلی۔ فیصلہ اعداد وشمار کا جائزہ لیکر جاری کیاجائیگا۔
کے الیکٹرک نے سہ ماہی بنیادوں پر فیول ایڈجسٹمنٹ کی مد میں 6 روپے 62 پیسے فی یونٹ کمی کی درخواست جمع کروائی تھی، جس پر چیئرمین نیپرا وسیم مختار کی سربراہی میں عوامی سماعت ہوئی۔
کے ای کی جولائی 2023 تا فروری 2025 کی فیول لاگت کی منظوری بھی درخواست شامل تھی۔ کے الیکٹرک حکام نے بتایا کہ کے ای کی 13.9 ارب روپے کی فیول لاگت ایڈجسٹمنٹ زیر التوا ہے
دوران سماعت ممبر نیپرا رفیق شیخ نے کہا کہ نومبر سے منفی فیول چارجز ایڈجسٹمنٹ آ رہے ہیں۔ منفی ایف سی اے سے صارفین کو ریلیف ملنا تھا۔ اس ریلیف کے وقت کے الیکٹرک پرانی ایڈجسٹمنٹ لے آئی ہے۔ اس موقع پر کے الیکٹرک کے صارف نے موقف اختیار کیا کہ پورے منفی ایف سی اے کا ریلیف اس بار بھی صارفین کو نہیں دیا جا رہا۔
About The Author
