شام کے حکام نے اعلان کیا ہے کہ حلب شہر میں محصور شہریوں کو محفوظ علاقوں تک پہنچانے کے لیے دو انسانی راہداریاں دوبارہ کھول دی گئی ہیں۔ صوبہ حلب کی جانب سے جاری بیان کے مطابق حکام کو شیخ مقصود اور الاشرفیہ کے درمیان محاصرے میں پھنسے خاندانوں کی متعدد اپیلیں موصول ہوئیں، جنہوں نے الزام لگایا کہ گزشتہ روز سیرین ڈیموکریٹک فورسز (ایس ڈی ایف) نے بہت سے شہریوں کو علاقے سے نکلنے سے روکا اور انہیں اپنی کارروائیوں کے لیے انسانی ڈھال کے طور پر استعمال کرنے کی کوشش کی۔
بیان میں کہا گیا ہے کہ شیخ مقصود اور الاشرفیہ کے رہائشی جو علاقے سے نکلنا چاہتے ہیں، ان کے لیے العوارض اور شارع الزہور کے دو معروف راستے کھولے جائیں گے تاکہ وہ محفوظ علاقوں تک پہنچ سکیں۔ یہ انخلا صبح 10 بجے سے دوپہر 1 بجے تک جاری رہے گا۔
صوبائی حکام کے مطابق شامی عرب فوج کے ساتھ ہم آہنگی کے بعد یہ انتظام کیا گیا ہے تاکہ شہریوں کو محفوظ مقامات تک منتقل کیا جا سکے اور انسانی بحران میں کمی لائی جا سکے۔
About The Author
