کوئٹہ میں سیکیورٹی خدشات کے پیش نظر موبائل انٹرنیٹ سروس عارضی طور پر معطل کردی گئی۔
معاون برائے داخلہ حکومت بلوچستان بابر یوسفزئی نے کہا ہے کہ کوئٹہ شہر میں بعض سیکیورٹی خدشات کے پیشِ نظر موبائل انٹرنیٹ سروس کو چند گھنٹوں کے لیے عارضی طور پر معطل کیا گیا ہے۔
انہوں نے کہا کہ عوام کی جان و مال کا تحفظ حکومت کی اولین ترجیح ہے اور یہ اقدام بھی شہریوں کی سلامتی کو یقینی بنانے کے لیے کیا گیا ہے۔
بابر یوسفزئی نے شہریوں کو درپیش عارضی مشکلات پر معذرت کا اظہار کرتے ہوئے کہا کہ حکومت عوام کے تعاون کو قدر کی نگاہ سے دیکھتی ہے۔ معاون برائے داخلہ نے مزید کہا کہ حالات معمول پر آتے ہی موبائل انٹرنیٹ سروس بحال کر دی جائے گی۔ انہوں نے عوام سے اپیل کی کہ وہ افواہوں پر کان نہ دھریں اور درست معلومات کے لیے سرکاری ذرائع پر اعتماد کریں۔
About The Author
